之前都講過 好多女仔都會喺嚟m嘅時候
由小綿羊被不適折磨到變恐龍
其實姨媽到真係可以好唔舒服
淨係想留喺屋企 邊度都唔想去
我有個Friend每次姨媽到都會突然消失
跟住要喺屋企瘋狂飲暖水
止痛藥、精油同暖貼 咩法寶都出齊
但係都仲係會痛到面青口唇白
雖然佢個口話痛咗咁多年咩都慣
但其實大家都知道佢嘅無奈
有日我睇到有條片講幾個女仔嘅經期問題
我即刻諗起佢
原來佢啲方法時work時唔work...
食咗止痛藥都仍然覺得痛
未必係佢用嘅方法無用
有可能係子宮出咗問題!
之後我即刻同佢去睇婦科
當時佢仲覺得我太誇張
話廿幾歲點會生瘤
點知照完超聲波真係有個瘤2.4cm
好彩唔算嚴重唔使做手術
食藥同keep住檢查就可以
我冇諗過一直以為個個有嘅經期不適
可能係有瘤嘅徵兆
唔少人到最後痛到暈要入院
或者生唔到BB先知
到咗發現嗰陣可能已經嚴重到
需要立刻做手術
唔係想嚇你哋
真心希望可以提醒你哋...
唔好恃住後生就以為無事
唔係次次痛完就當無嘢
唔係一味靠估去安慰自己
自己或者身朋友唔肯定就更加要去照吓
總之只係諗調理身體同紓緩經痛一定唔夠
最重要係要搞清楚入面有冇事
因為如果有瘤唔理
可能真係會逐漸變大都唔知!
P.S. 網上面有個小測試: https://bit.ly/3qazntv(做完就真係唔好拖）
Search